• Home »
  • Top Stories »
  • పదేళ్ళ బంధానికి సిఎన్ఎన్, ఐబిఎన్ రాం రాం

పదేళ్ళ బంధానికి సిఎన్ఎన్, ఐబిఎన్ రాం రాం

ముఖేష్ అంబానీ ఆద్వర్యంలోని టీవీ 18 సంస్థ, టర్నర్ ఇంటర్నేషనల్ వారి సిఎన్ఎన్ తమ పదేళ్ళ అనుబంధానికి తెరదించాయి. దీంతో ఇప్పటివరకు ఐబిఎన్ చానల్ పేరు ఆరంభంలో కనిపించే సిఎన్ఎన్ ఇక మీదట ఉండదు. ఈ మేరకు రెండు సంస్థలూ ఈ రోజు ఒక ప్రకటన చేశాయి.

ఇలా ఉండగా సిఎన్ ఎన్ ఇప్పటికే సుభాష్ చంద్ర ఆధ్వర్యంలోని జీ మీడియా కార్పొరేషన్ తో చర్చలు ప్రారంభించినట్టు తెలుస్తోంది. ఇప్పటివరకూ అనేక ప్రాంతీయ భాషల్లో చానల్స్ నడుపుతున్న జీ గ్రూప్ అధిపతి సుభాష్ చంద్ర త్వరలో ఇంగ్లీష్ చానల్ నడపాలని ఆలోచిస్తుండగా సిఎన్ ఎన్ చర్చలకు ప్రాధాన్యం ఏర్పడింది. అయితే, ఇంకా తుది నిర్ణయం తీసుకోలేదు.

నిజానికి పదేళ్ళ పాటు అమలులో ఉండేలా వాళ్ళు గతంలో చేసుకున్న ఒప్పందం వచ్చే జనవరి వరకు అమలులో ఉండాల్సి ఉంది. 2005 డిసెంబర్16 న ప్రారంభమైన సిఎన్ఎన్-ఐబిఎన్ ఇకమీదట ఐబిఎన్ చానల్ గా చెలామణి అవుతుందా, మరేదైనా పేరు మారుస్తారా అనే విషయం ఇంకా తేలలేదు. టీవీ 18 వారి న్యూస్ చానల్స్ జనంలోకి వెళ్ళటానికి సిఎన్ఎన్ బ్రాండ్ ఎంతగానో ఉపయోగపడింది. అయితే, ఇక ఎంతమాత్రమూ ఆ బ్రాంద్ అవసరం లేదన్నది టీవీ18 గ్రూప్ అభిప్రాయం.